ನನ್ನ ದೇಶಕತೆ

ಬಂಧು ಬಾಂಧುರತೆ ಸಿಂಧು ಸೋದರತೆ

 ಒಂದು ಭಾವಲತೆ ನನ್ನ ದೇಶ ಕತೆ

ಚೆಲುವ ಚಂದ್ರಿಕೆ ಒಲವ ಮುದ್ರಿಕೆ

ನಿತ್ಯ ಹರುಷವೆ ಹಸಿರ ಸಿರಿಯೊಳು

ಹಲವು ಭಾಷೆಗೂ ನಿಲುವ ವೇಷಕೂ

ಸತ್ಯ ತವರಿದು ಉಸಿರ ಪರಿಯೊಳು //೧//

ಬುದ್ಧ ಬರೆದಿಹ ಸಿಧ್ಧ ಮಂತ್ರವೇ

 ನನ್ನ ದೇಶದ ತತ್ವವು

ಯುದ್ಧ ಮರೆತಿಹ ಬದ್ಧ ತಂತ್ರವು

'ನಿಶಸ್ತ್ರ' ಜಗವು ಮೆಚ್ಚಿದ ಸತ್ವವು//೨//

ಹಿಮದಿ ಮೊರೆಯುವ ಮೌನ ಗಾನಕೆ 

ಮಾತೆ ಸೆರಗದು ರಕ್ಷೆಯು

ಮಲಿನ ಮದವಿರೆ ಮತಿಗೆ ವಿಹಿತವು 

ಮರೆತು ಉಳಿಯದು ದುರಿತವು//೩//

ಮನುಜ ಮತವನು ವಿಶ್ವ ಪಥದಲಿ

ತೆರೆದು ತೋರಿದ ರೋಮ ಗರ್ಭವು

ಮಣ್ಣ ಕಣದಲಿ ತನ್ನತನವನ್ನು

ಮೆರೆದು ಸಾರಿದ ರಾಮ ರಾಜ್ಯವು//೪//

                           ರಚನೆ: ಅನಿತಾ ಶೆಟ್ಟಿ

                                    ಮೂಡುಬಿದಿರೆ